Претседателот на ДИК Оливер Дерковски рече дека не регистрирале дека некој од кандидатите за претседател предвреме ја започнал кампањата. Кандидатите за претседател  треба да бидат потврдени од Државната изборна комисија до 21 март и до тогаш сите активности на кандидатите ќе се сметаат за партиски средби, а не како неофицијален почеток на предизборната кампања, која официјално започнува на 1 април. 

Рокот за собирање на потписи за кандидатите за претседател завршува на 9 март. Гордана Силјановска Давкова го прекинала собирањето на потписи откако се потпишале 16.000 граѓани.

Од саботата кандидатурата на Блерим Река за претседател ја подржале 6.000 граѓани, за Амди Бајрам  досега се потпишале околу 3.000 граѓани, но тој најавил дека ќе ја повлече листата за собирање на потписи. Потписи собираат и Филип Петровски, Господин Поповски, Јосиф Мирчевски.

Само 400 граѓани од дијапсората се пријавиле дека ќе гласаат на претседателските избори.

Државната изборна комисија, Државниот завод за ревизија и Антикорупциската комисија денеска потпишаа за Меморандум за соработка во пресрет на претседателските избори.