Кандидатот на СДСМ и коалицијата за градоначалник на Куманово Максим Димитриевски прогласи победа во првиот изборен круг.
-Првите информации кои што стасаа во штабот се дека СДСМ, со своите коалциски партнери и со граѓаните на општина Куманово, денеска се избори за една голема историска победа во општина Куманово. Ја добивме апсолутната поддршка од сите граѓани и заедно со граѓаните ги надминавме сите стереотипи. Буквално сите граѓани се одлучија за проектот и за концептот за живот во Куманово и во Македонија, изјави Димитриевски, кој им се заблагодари на сограѓаните за честа и одговорноста во следните четири години да го менаџира градот.
-Согласно информациите кои јас ги имам, резултатот во однос на најдобро пласираниот кандидат е скоро два пати поголем и тој тренд се држи во скоро сите места. На некои места имаме потесен резултат, а на некои многу поубедлив, истиот сооднос е и за советничката листа. Не знаеме колку советници имаме тоа ќе го покаже Донтовиот модел, но во следниот состав нашата коалцијата ќе го има мнозинството во Советот. Се уште не се обработени гласачките места од помалите места.Изборите поминаа најдемократски, многу регуларно граѓаните гласаа имаше мала активност на политичките субјекти, но оние кои се задолжени за селедење на изборите се најкомпетенти да кажат како поминале, рече Димитриевски.