Директорката на училиштето во Индија е во бегство, откако таму беа затруени 24 деца од кои 22 починаа. Шефот на полицијата Сујит Кумар изјавил дека властите трагаат по директорката и нејзиниот сопруг јавува Си-Ен-Ен.
Учениците најверојатно се затруени со инсектицид. Тие веднаш по првото голтнување на храната почнале да повраќаат, а некои веднаш се онесвестиле. Во болница биле хоспитализирани 24 деца и готвачката чија улога во овој злочин допрва ќе се испитува.
Министерот за образование на државата Бихар, П.К.Шани изјавил дека децата се отруени со инсектицид кој се наоѓал во храната и дека на готвачката и бил сомнителен квалитетот на маслото, но директорката и наредила со него да ја спрема храната. Но, готвачката ги отфрила овие наводи и изјавила дека не забележала ништо сомнително во храната.
Во Индија бесплатен оброк во училштата секој ден користат 120 милиони деца. Програма е воведена за што повеќе деца да се запишат на училиште.