Директорот на затворот „Идризово“ денеска поднесува оставка

Како последица на тоа што Алијансата за Албанците ја напушти владината коалиција, директорот на затворот „Идризово“, Керим Мамути денеска до Владата ќе ја депонира својата оставка, потврди тој за НОВА.

До изборот на нов директор на најголемиот затвор во Македонија, со него ќе раководи заменик директорот.

Нов директор се очекува да биде назначен во јануари следната година.

Алијансата за Албанците неодамна соопшти дека излегува од Владата бидејќи им било одземено местото кое сметаат дека им припаѓа во извршната власт – Министерството за здравство.

Нов министер за здравство, на местото на Арбен Таравари, кој стана градоначалник на Гостивар, е Венко Филипче.