Дизајнерот на машка облека Микели Савоја (55), кој креираше облека за филмските ѕвезди, пронајден е мртов во река Хадсон. Тој беше познат под прекарот Савоја Кројачот, последен пат бил виден околу четири часот наутро на 13 февруари по што отишол на журка кај Парис Хилтон во њујоршкиот клуб Марака, објавува CNN.
Во сабота наутро исчезнувањето го пријавил неговиот возач. Телото на Савоја беше пронајдено во реката Хадсон во близина на бродот во кој живеел, а причината за смртта се уште не е позната.
Полицијата соопшти дека на неговото тело не се пронајдени значи на насилство, и дека дизајнерот најверојатно се напил и паднал од својот брод.
Сепак, се чека на обдукцискиот наод од којшто ќе види точната причина за смртта. Дизајнерот и сопственик на бутикот “Haus of Savoj” облекуваше многу славни личности како Роберт ДеНиро, Мет Дилан, Рики Мартин и други.