Исламската држава ја презеде одговорноста за отсекувањето на главата на 47 -годишниот британски државјанин Ален Хенинг, такси-возач кој пренесувал помош во Сирија и притоа се заканија се дека следниот заложник кој ќе биде погубен ќе биде 26 годишниот Американец Питер Кесиг.
Ова е четврти пат како џихадистите на најбрутален начин убија заложник и снимката ја ставаат на Интернет.
Ова е четврти пат како џихадистите на најбрутален начин убија заложник и снимката ја ставаат на Интернет, пренесоа западните агенции.
Американски официјални претставници за американските медиуми потврдија дека Питер Кесиг, поранешен американски војник кој служел во Ирак, се наоѓа во рацете на џихадистите.
Маскиран џихадист му порача на американскиот претседател Барак Обама дека поради воздушните напади врз Исламска држава, тие ќе продолжат со отсекување глави на неговиот народ и нивните сојузници.
Хенинг, во портокалова облека и на колена, изјави дека ја плаќа цената за гласањето во британскиот Парламент.
Премиерот на Велика Британија, Дејвид Камерон, изјави дека убиството на Хенингс го покажува варварството на џихадистите од Исламска држава, пренесоа британските медиуми.
– Ќе направиме се што можеме за убијците да бидат фатени и изведени пред лицето на правдата, порача Камерон.
Британскиот Форин офис соопшти дека работи на проверката на автентичноста на снимката и дека, доколку се потврди, тогаш тоа ќе биде „уште едно стравично убиство“.
Сцената на самиот чин на отсекување на главата на Хенингс не е прикажана на снимката, но се друго е направено на истиот начин како и во претходните три егзекуции, на двајцата американски новинари и на британскиот хуманитарен работник.
Хенинг бил возач во хуманитарен конвој што тргнал кон Сирија заради давање помош на цивилите и многу брзо по преминувањето на турско-сириската граница, кон крајот на декември минатата година, бил киднапиран.