Еден ден откако се изгласа во Собранието, Законот за утврдување јавен интерес и номинирање стратешки партнер за имплементација на проектот за изградба на инфраструктурните Коридор 8 и Коридор 10“ го привлече гневот на антикорупционерите, најмногу поради одредбата за отсуство на јавно наддавање односно за склучување на спогодби во четири очи. претседателката Билјана Ивановска, на прес конференцијата, истакна дека ќе се обратат до претседателот на државата Пендаровски, со барање да не го потпишуваат овој закон, бидејќи според ДКСК, тој бил во судир со Уставот.
-Законот содржи сериозни уставни прекршувања и поради тоа нема да престанеме со спротивставувањето на негова примена до сите овластувања што ги имаме. Ако сепак претседателот го потпише Указот, ние овој акт ќе го обжалиме пред Уставен суд“, изјави претседателката на ДКСК, Билјана Ивановска.
Ивановска се чудеше и за тоа што Законот бил донесен со сите гласови за и ниту еден против или воздржан. А, поради тоа што се донесол на таков начин на каков што се донесол, во услови кога не бил според неа акт од јавен интерес, целата ситуација ја окарактеризира како сплеткарење. Начинот на кој ќе се договараат арнжманите, Ивановски ги оцени дека се од висок ризик за коруптивни дејанија, потсетувајќи на сличниот Закон за спогодби во четири очи што владата на Груевски го склучила со ,,Синохидро“ за автопатот Кичево-Охрид, од кој државава трпи милионски евра штети.
Инаку Владата постигна договор со Американско-Турскиот конзорциум ,,Бехтел и Енка“ за што е потпишан и протокол за градење на автопатите од Коридорите 8 и 10 како и автопатот од Прилеп кон Битола.