Две починати лива, 16 излекувани и 17 новозаболени е билансот на ковид-19 во земјата за последните 24 часа, наведуваат од Министерството за зџдравство (МЗ). На Клиниката за инфективни болести и фебрилни состојби почина пациент од Скопје на 89 годишна возраст кој бил хоспитализиран на 4 мај, додека Институтот за јавно здравје (ИЈЗ) регистрира и починат пациент од Велес на возраст од 72 години во ГОБ „8 септември“, кој бил на болничко лекување од 15 април.
Од МЗ информираат дека ИЈЗ денеска регистрира 16 оздравени пациенти и тоа во Скопје – 7, во Куманово – 6, во Прилеп – 2 и во Велес – 1.
Во изминатите 24 часа се направени 460 тестирања, при што се потврдени 17 нови случаи на ковид-19 и тоа во Скопје – 3, во Куманово – 2, во Прилеп – 3, во Тетово – 6, во Велес – 2 и во Битола – 1.
Вкупната бројка на ковид дијагностицирани лица во нашата земја од почетокот на епидемијата изнесува 1.740, бројката на оздравени пациенти е 1.251, на починати е 97, а бројот на активни случаи во земјата во моментот изнесува 392. Последната дистрибуција по градови е следна:
Скопје – 592, активни 134
Куманово – 413, активни 43
Дебар – 51, активни 0
Штип – 35, активни 1
Прилеп – 193, активни 63
Тетово – 131, активни 68
Струга – 69, активни 6
Велес – 113, активни 49
Битола – 26, активни 7
Охрид – 7, активни 2
Кавадарци – 5, активни 0
Гостивар – 19, активни 3
Гевгелија – 4, активни 0
Струмица – 2, активни 0
Крива Паланка – 6, активни 2
Радовиш – 4, активни 0
Крушево – 3, активни 0
Кочани – 31, активни 4
Пробиштип – 2, активни 0
Кичево – 2, активни 0
Неготино – 9, активни 5 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 1
Делчево – 1, активни 0
Валандово – 1, активни 1
Виница – 2, активни 0
Кратово – 2, активни 2
Берово – 1, активни 1
Направените 460 теста се преку ИЈЗ – 257, преку Ветеринарен факултет – 14, преку „Авицена“ – 8, преку „Биотек“ – 20, преку Клиниката „Филип Втори“ (Жан Митрев) – 33, преку „Систина“, со PCR метода, – 19 и преку МАНУ – 109. Досега во земјата се направени вкупно 20.548 тестирања на ковид-19.
Од вкупниот број на направени тестови во изминатото деноноќие, 225 теста се направени во рамките на скринингот од градинките. Преку ИЈЗ се тестирани 135 лица од Битола, каде е регистриран еден позитивен случај, а преку МАНУ се тестирани 90 лица од Скопје и сите се негативни.
Во изминатото деноноќие на Клиниката за инфективни болести и фебрилни состојби се примени тројца пациенти, а вкупно се хоспитализирани 44. На кислородна поддршка се 23 пациенти, на механичка вентилација е еден пациент.
Во ГОБ „8 септември“ се примени шест нови пациенти, а вкупно се хоспитализирани 23. На респираторна машина се шест лица и уште две имаат потешка клиничка слика.
Во болницата во Битола се хоспитализирани четворица пациенти, на домашно лекување се следат уште двајца. Во болницата во Штип се хоспитализирани вкупно четири лица со ковид-19, нема пациенти кои се следат на домашно лекување. На инфективните одделенија во Тетово, во Велес, во Куманово, во Охрид и во Прилеп се хоспитализирани вкупно 48 пациенти, позитивни и сомнителни на ковид-19.