Четворица починати пациенти, 198 нови случаи и 97 оздравени лица е ковид билансот во земјава за последните 24 часа, информираат од Министерството за здравство (МЗ). Од таму истакнуваат дека во изминатото деноноќие се направени 1.382 тестирања кои дадоа позитивни резултати кај 83 лица во Скопје, 27 во Свети Николе, 21 во Штип, 12 во Куманово, 11 во Битола, 10 во Гостивар, девет во Тетово, седум во Радовиш, по три во Охрид, во Струга и во Демир Хисар, по две во Велес, во Прилеп и во Пробиштип и по едно лице во Дебар, во Кочани и во Кичево.
Институтот за јавно здравје (ИЈЗ) денеска регистрира 97 оздравени лица и тоа од Скопје – 71, од Штип – 7, од Тетово – 12, од Велес – 1, од Битола – 1, од Кочани – 1, од Пробиштип – 1, од Кичево – 1 и од Ресен – 2.
Починати се четири лица – две од Прилеп и по едно од Скопје и од Тетово. На Клиниката за инфективни болести и фебрилни состојби починаа четворица пациенти на возраст од 49 години, од 61 година, од 70 години, односно 72 години.
Вкупната бројка на ковид дијагностицирани лица во нашата земја од почетокот на епидемијата изнесува 8.530, бројката на оздравени пациенти е 4.565, на починати е 393, а бројот на активни случаи во земјата во моментот изнесува 3.572. Дистрибуцијата по градови е следна:
Скопје – 4.035, активни 1.804
Куманово – 880, активни 212
Дебар – 154, активни 92
Штип – 484, активни 195
Прилеп – 304, активни 64
Тетово – 894, активни 286
Струга – 340, активни 166
Велес – 205, активни 34
Битола – 84, активни 40
Охрид – 230, активни 122
Кавадарци – 27, активни 19
Гостивар – 250, активни 157
Гевгелија – 13, активни 3 (*2 лица од ПЕ Гевгелија се жители на Богданци, еден е од Дојран)
Струмица – 24, активни 16
Крива Паланка – 19, активни 8
Радовиш – 15, активни 11
Крушево – 12, активни 7
Кочани – 78, активни 12
Пробиштип – 39, активни 24
Демир Хисар – 11, активни 10
Македонски Брод – 9, активни 5
Пехчево – 6, активни 1
Берово – 4, активни 1
Валандово – 6, активни 0
Виница – 4, активни 1
Делчево – 1, активни 0
Кратово – 9, активни 1
Свети Николе – 147, активни 134
Кичево – 85, активни 71
Ресен – 139, активни 73
Неготино – 22, активни 3 (* 10 лица од ПЕ Неготино се жители на Демир Капија)
Направените 1.382 теста се преку ИЈЗ – 521, преку ЦЈЗ Скопје – 21, преку „Авицена“ – 163, преку „Биотек“ – 96, преку МАНУ – 159, преку Клиниката „Жан Митрев“ (Филип Втори) – 223, преку „Систина“ со PCR метода – 160, преку ЦЈЗ Битола – 38, преку КИБФС (Инфективна клиника) – 1. Досега во земјата се направени вкупно 80.774 тестирања на Ковид-19.
На Инфективната клиника во изминативе 24 часа се примени осум нови пациенти, вкупно се хоспитализирани 86 од кои 38 добиваат кислородна поддршка, нема пациенти на респираторна машина. Во болницата во Козле се хоспитализирани 20 возрасни пациенти позитивни на Ковид-19, осум деца се позитивни и две суспектни на вирусот.
Во ГОБ „8 септември“ се примени се 15 нови пациенти, вкупно се хоспитализирани 90 од кои се поставени на респираторна машина.
Во болницата во Битола се хоспитализирани 29 пациенти, а во болницата во Штип – 53 пациенти. На инфективните одделенија во Тетово, во Охрид, во Велес, во Куманово, во Прилеп, во Гостивар, во Струмица и во Струга се хоспитализирани 123 пациенти, позитивни и сомнителни на Ковид-19.