Иван Пешевски: Утре ќе излезам на протест за покачување на минималната плата и за раст на останатите плати поради осиромашувањето на највредните работници во Македонија.
Ќе излезам на протест поради тоа што пред три години кога им требаше народ стоеа со нас и ни кажуваа дека многу тешко се живее со ниските примања. Денеска се власт и затоа утре ќе им се случи народ. Народ кој ќе ги потсети дека не се живее со 1.600 денари покачување, бидејќи од пред три години до сега живеачката поскапе за 10.000 денари, а куповната моќ е помала.
Ќе излезам поради тоа што не убедуваат дека имаме најниска цена на горивата во регионот, а кога им кажуваме дека имаме и најниска минимална плата, тоа не сакаат да го слушнат. Комбинацијата од ниски приходи и ниски цени не создава висок стандард, напротив, тоа ја открива слабата куповна моќ.
Овој протест не е само собир. Тој е огледало во кое секој работник може да се погледне и да каже „Јас вредам повеќе од ова. Мојот труд вреди повеќе. Мојот живот вреди повеќе.“
Никој нема да се погрижи за тебе, ако ти не застанеш за себе. Достоинството не се носи како униформа. Тоа не го дава газдата и не го пишува на договор. Достоинството почнува од нас работниците.
Затоа нема веќе да чекаме некој друг да излезе наместо нас. Многумина чекаат „некој друг“ да го направи првиот чекор. Но, тоа „некој друг“ нема да дојде. Не постои. Секогаш работниците се тие ПРВИ.
Извор: Фејсбук