НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Добредојдовте во „златната ера“

0
By Marija Todorovska on January 21, 2025 ТЕМА
СПОДЕЛИ
Facebook Twitter LinkedIn Email

Редакциите во голем број светски медиуми оценија дека Трамп во своите говори, кои очигледно беа надвор од сценариото на неговите настапи, искажа најмалку 20 лаги. Зборуваше за иднината врз основа на непроверливи ставови. Истури лавина од изрази со кои целосно ја омаловажи администрацијата на неговиот претходник, претседателот Џо Бајден и потпретседателката Камала Харис. А сето тоа го поткрепи со потпишување извршни наредби со кои анулираше дури 78 политики, односно законски мерки на поранешниот претседател.

Џабир Дерала

Mногумина кажале дека Доналд Трамп е шоумејкер и веројатно се во право, особено ако мислат на евтина забава за „широки народни маси“. Секако, не е некој посебно надарен, а ниту единствен шоумејкер, но со сигурност може да се каже дека во моментов е најмоќниот шоумејкер на светската политичка сцена. И многу е упорен – тоа и го донесе на престолот на моќта во Овалната соба. Тоа и донациите од стотици милиони долари од најбогатите луѓе во светот. Инаку, Трамп е само уште еден популист, какви што има насекаде во светот, а кои се во незапирлив подем. Тие обезбедуваат евтина забава, со трикови што побудуваат емоции кај групи и заедници кои се засегнати, исплашени и изманипулирани – или се задоени со омраза.

Многу илјадници редови и огромен број часови телевизиска програма, извештаи и панел дискусии беа продуцирани за време на речиси 12-часовната инаугуративна програма во Вашингтон на 20 јануари 2025 година. По сето тоа, не останува многу да се каже.

Трамп е повторно на власт. Сега уште посигурен и поагресивен отколку во неговиот прв мандат (2017-2020). Неговата инаугурација во голема мера покажа како ќе изгледа неговото владеење со најмоќната држава во светот. По сето тоа што го кажа, а и со тоа што не го кажа новиот американски претседател во трите говори за време на церемониите и настаните на неговата инаугурација, со сигурност може да се каже барем едно нешто – Америка и светот се пред нови неизвесности.

И лагите. Тие се веќе пословични кога се работи за Трамп. Еден од новинарите на Си-ен-ен во еден момент за време на специјалната програма ја евоцира оценката од претседателската дебата со сега веќе поранешниот претседател Џо Бајден – една лага во минута. Своевремено, Вашингтон Пост изброи 20,573 лаги што ги кажал за време на првиот мандат.

Редакциите во голем број светски медиуми оценија дека Трамп во своите говори, кои очигледно беа надвор од сценариото на неговите настапи, искажа најмалку 20 лаги. Зборуваше за иднината врз основа на непроверливи ставови. Истури лавина од изрази со кои целосно ја омаловажи администрацијата на неговиот претходник, претседателот Џо Бајден и потпретседателката Камала Харис. А сето тоа го поткрепи со потпишување извршни наредби со кои анулираше дури 78 политики, односно законски мерки на поранешниот претседател.

Издаде наредба до федералните институции да се работат на намалување на трошоците за живот и нареди да се запре владината цензура – што и да му значи и како и да го замислува тоа. Се повлече од Париската спогодба за борба против климатските промени. Потпиша указ со кој во земјата има само два пола, машки и женски. Помилува или им ги намали казните на напаѓачите на Капитол од 6 јануари 2021 година, нарекувајќи ги – заложници. За ослободувањето на тие „заложници“ од 6-јануарскиот напад, Трамп говореше пред 20-илјадната маса во Арената Капитол 1, додека зад него беа построени членовите на семејствата на вистински заложници, оние што ги киднапира Хамас во нападот на 7 октомври 2023. Прогласи национална вонредна состојба на границата со Мексико! Наводно, владата треба да ја преземе контролата врз „катастрофалната ситуација“ со цел да ја сопре „инвазијата“ на имигранти за време на владеењето на Бајден.

Кажа дека државите ширум светот ги празнат своите затвори и ментални институции и ги испраќаат криминалците и ментално болните во САД.

Доналд Трамп, новиот американски претседател, ја започна културната војна во својата земја и отвори нова ера на несигурност во светот. Патот му го истапка подемот на авторитаризмот и популизмот, но и неуспесите и нерешителноста на демократските сили во клучни моменти.

Започна ера, која Трамп ја нарече „златна“ за Америка.

Демократијата, еднаквоста, човековите права, соработката меѓу државите во светот, војната и мирот – од денеска ќе зависат од визиите и дефинициите на Трамп, неговиот тим и милијардерите кои претежно доаѓаат од сферата на високата технологија и комуникациите.

Кога сме веќе кај нив – милијардерите – меѓу сите дамки, лаги, неизвесности и стравови што ги предизвикаа говорите за време на инаугурацијата на Трамп, можеме да завршиме со гестот на Илон Маск од говорницата во Арената Капитол 1, кој застрашувачки потсети на наци поздрав.

Добредојдовте во „златната ера“.

Текстот е сопственост на ЦивилМедиа 

златна ера Илон Маск САД Трамп Џабир Дерала
Share. Facebook Twitter LinkedIn Email
ТИКЕР

Познатиот шпански режисер Алмодовар ја повика шпанската влада да ги прекине односите со Израел

August 28, 2025

Трамп: Џорџ Сорос и неговиот син треба да бидат обвинети за поддршка на насилните протести

August 27, 2025

Данска и Гренланд се извинија за присилната контрацепција на Инуитите

August 27, 2025

УНИЦЕФ: Ел Фашер во Северен Дарфур е „епицентар на детското страдање“

August 27, 2025

„СпејсИкс“ ја лансираше ракетата „Супер Хеви-Старшип“ на пробен лет

August 27, 2025
ФОКУС

Голем воздушен напад врз Кијив – јавено за  најмалку 14 загинати

ВЕСТИ August 28, 2025

Русија истрела стотици дронови и ракети кон цели ширум Украина, уништувајќи станбени блокови и домови…

Израелската војска уби новинари засолнети во болница во Газа

August 25, 2025

Кијив: Украина денеска ја одбележува својата независност

August 24, 2025

Украински напад со беспилотни летала врз Санкт Петербург

August 24, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.