Пред отворањето на Ревијалната годишна изложба на Друштвото на ликовни уметници на Македонија, која ќе се одржи вечерва во Музејот на град Скопје, а потоа во Домот на Армијата, уметничкиот совет на ДЛУМ ги додели традиционалните награди за 2012 година од областа на ликовната уметност на следниве автори:
Награда „Нерешки мајстори“ за сликарство се додели на Владимир Ѓеорѓиевски
Награда „Лазар Личеноски“ за сликарство се додели на Милан Андов
Награда „Димитар Кондовски“ за сликарство се додели на Маријана Костојчиновска Узунчева
Награда „Петар Мазев“ за сликарство се додели на Анета Ивановска Симјановска
Награда „Јордан Грабул“ за скулптура ја делат Сергеј Дамовски и Катерина Таневска
Ревијалната годишна изложба на Друштвото на ликовни уметници на Македонија оваа година се организира како настан по 59 пат. На изложбата ќе бидат претставени дела на 106 автори од цела Македонија.
