Драмата „Три билборди пред Ебинг, Мисури“ (Three Billboards Outside Ebbing, Missouri) победи во најзначајните категории на синоќешното 75.издание на Златен глобус, за најдобрите филмски и телевизиски остварувања на годината.
Церемонијата ја одбележа движењето #MeToo – на жртвите на сексуално насилство и злоупотреба.
Манифестацијата беше прва по скандалите со сексуална злоупотреба кои силно го погодија и Холивуд, а филмските ѕвезди носеа црна облека во знак на поддршка на жртвите.
Актерките своите говори ги искористија за да изразат поддршка на жртвите на сексуално насилство, помеѓу нив и Никол Кидман, Мерил Стрип, Мишел Вилијамс, Ема Вотсон и Опра Винфри, која ја доби почесната награда за животно дело.
„Трите билборди“ освоија вкупно четири глобуси во категориите: најдобар филм – драма, најдобро сценарио, најдобра актерка и најдобар спореден актер.
Френсис МекДорманд го однесе Златниот глобус за најдобра актерка за нејзината улога на мајка која бара правда за нејзината убиена и сексуално злоупотребена ќерка.
Серијата „Приказната на слугинката“ (Handmaid`s Tale) и мини-серијата „Големи мали лаги“ (Big Little Lies), кои исто така третираат теми за правата на жените и насилството врз нив, исто така освоија награди.
Елизабет Мос, која ја доби наградата за најдобра актерка во телевизиска драма за „Приказната на слугинката“ наградата ја посвети на авторот на книгата по која е направена серијата, Маргарет Етвуд.
Кои беа победниците:
Филмската драма за тероризмот In the Fade (Aus dem Nicht) на германскиот режисер од турско потекло Фатих Акин, доби награда за најдобар филм на странски јазик.
Најдобар драмски филм – „Три плакати вон градот“, најдобра комедија или мјузикл „Lady Bird“, најдобар драмски актер – Гери Олдман, додека најдобра драмска актерка – Франсис МекДорманд .
Џејмс Франко беше прогласен за накдобра актер во комедија или мјузикл во машка категорија, додека Саорис Ронан во женска.
Гиљермо дел Торо е најдобар режисер за „Обликот на водата“, а за најдобро сценарио е прогласено она на Мартин Мекдонаг за „Три плакати вон градот“.
Најдобар спореден актер е Сем Роквел, а најдобар анимиран филм е „Коко и големата тајна“.
Најдобра драмска серија – „Приказната на слугинката“, а најдобра мини-серија е „Големи мали лаги“.