Според мислењето на претседателот на Република Српска, Милорад Додик, протестите во Сараево се составен дел од политиката на Бошњаците, со цел да се деградира Дејтонската структура и да се направи унитарна БиХ.
Додик вели дека станува збор за „граѓанизација“ на Бошњаците и дека Србите и Хрватите не се толку политички и историски наивни да ги прифатат таквите работи.
„Она што го бараат таканаречените граѓани од Сараево е видливо во барањата на сите политички партии од Федерацијата БиХ. Тие се составен дел од политиката на Бошњаците веќе подолго време, со цел да се деградира Дејтонската структура и да се направи унитарна БиХ“, изјави Додик.
„Од друга страна, јасното оградување од протестите во Бања Лука, јасно говори за тоа“, пренесуваат медиумите од Бања Лука.
Протестите во Сараево, покренати од иницијатива на граѓаните поради проблемот за неможноста на новородените деца од февруари наваму да добијат матичен број, траат веќе две недели, и досега протестите беа мирни, без регистрирани инциденти.