Бранко Тричковски: Овој пат Палестинците беа соочени со бескрупулозна сила на која не можеа да и се спротивстават, а светот беше оставен во позиција на немоќен морализатор кој гледа како се убиваат десетина проценти од населението во еден самоуправен ентитет кој во војната ќе биде разорен.
Основната идеја на Биби и на Трамп, а можеби и на Бајден, беше Палестинците да се дефакторизираат, биолошки, идеолошки, физички, воено, психолошки…
Секако.
Крвавиот напад и упад на Хамас беше повод и причина за израелскиот одговор кој со тоталитетот и жестокоста се претвори или во самиот старт беше планиран како акт односно почеток на процесот за решение на блискоисточниот конфликт преку елиминација.
Не со преговори, договори, не со престрелки и повремени напади и одмазди, туку со комплетна елиминација на едниот фактор во конфликтот во неговите битни димензии.
Планот и договорот на Трамп според тоа не се мировни акти туку се диктати на победникот со мали отстапки за да се замачка пред светот чинот на израелско-американскиот триумф.
Дали договорите за прекин на огнот и оној од Шарм ел Шеик ќе обезбедат траен мир во израелско-палестинскиот судир?
Не верувам поради природата што му ја одреди војната.
Поради незадоволствата од договорот што ќе се јават по смирувањето на првите еуфории.
Извор: Фејсбук