Нашите таксиратлии од Владата сакаат да изградат два колосеци, кои не водат никаде, ниту некому му требаат во Грција. Останува на сила пресметката дека со нашиот двоен колосек би генерирале загуба од 3,3 милијарди евра, а секое македонско семејство би го задолжиле со 8000 евра.
Дејан Трајковски
Проверено: Грција акцентот на модернизацијата го става на пругата кон Бугарија преку преминот Промахона / Кулата, како и преку Токсотес до граничниот премин Орменио.
Доказ 1: https://www.railwaypro.com/…/thessalonikis-strategy…/… , во одделот „Enhanced rail connections“.
На пругата Солун-Идомени (граничниот премин со Македонија) е предвидена само инсталација на нов сигнален систем и замена на старите шини, додека колосекот останува ЕДИНЕЧЕН!
Доказ 2 (на сликата): сателитска снимка од влезот во железничката станица Идомени од насока на Солун со единечен колосек.
Нашите таксиратлии од Владата сакаат да изградат два колосеци, кои не водат никаде, ниту некому му требаат во Грција. Нивниот еден колосек го ограничува пропусниот капацитет на целата пруга кон север.
Србија, исто така, нема да изгради двоен колосек (предвидена е само санација на единствениот колосек) од Ниш до граничниот премин Прешево/Табановце, a нивната „брза пруга“ низ Грделичка Клисура ќе биде за брзина до 100 km/h. Оваа делница исто така ја ограничува и брзината и капацитетот на нашата пруга, односно немаме потреба од скапа пруга за 160 km/h, штом има друго тесно грло.
Доказ 3: https://jugpress.com/zeleznica-na-jugu-srbije-a-kad…/…
Доказ 4: https://plutonlogistics.com/…/obnova-zeleznickog…/
Останува на сила пресметката дека со нашиот двоен колосек би генерирале загуба од 3,3 милијарди евра, а секое македонско семејство би го задолжиле со 8000 евра, односно 500.000 денари, доколку останат на својата неразумна одлука за инвестирање во брза двоколосечна пруга. Долгот допрва само ќе расте поради каматите и неможноста да се врати кредитот поради комбинација од висока цена, слаб промет и мал профит.
Ова населението треба да го знае пред да поверува во сé што ќе чуе од претставниците на власта.
Од Фејсбук ѕидот на авторот