На седницата на Совето за безбедност на ООН свикана во врска со трагедијата која се случи со соборувањето на малезискиот авион се слушнаа несекојдневни изливи на емоции.
Посебен впечаток остави холандскиот шеф на дипломатијата Франс Тимерманс кој го пренесе траорот на неговата нациија која изгуби 200 свои сонародници.
Тука сме да разговараме за трагедија: соборувањето на комерцијален авион и смртта на 298 невини луѓе. Мажи, жени и зачудувачки број на деца ги загубија своите животи, на својот пат до нивните дестинации, нивните домови, сакани, своите работни места или меѓународните обврски. Од четвртокот размислувам колку ужасни им биле последните моменти од својот живот , кога тие знаеле дека авионот паѓа долу. Дали тие се држеле за раце со своите најблиски, дали тие ги стискале своите деца до нивните срца, дали тие се погледнувале едни со други во очите, за да немо се збогуваат за последен пат? Ние никогаш нема да знаеме.
Смртта на речиси 200 од моите сонародници остави празнина во срцето на холандската нација, предизвика тага, гнев и очај. Тага за загубата на своите најблиски, лутина и бес за соборувањето на цивилен авион и очај поради бавниот процесот на обезбедување на местото на несреќата и собирање на остатоците на жртвите, изјави на седницата на Советот за безбедност министерот Тимерманс.
Министерката за надворешни работи на Австралија поднесе предлог резолуција со која се бара меѓународна истрага за траедијата.
Сите тие беа невини луѓе во комерцијален авион. Нивното летало беше соборено над територија контролирана од сепаратисти во источна Украина. Тоа е апсолутно шокантно“, oцени Џулија Бишоп, министерка за надворешни работи на Австралија
Саманта Пауер пак во врска со обвинувањата на Москва дека за трагедијата е одговорна Украина на седницата на Советот за безбедност изјави: Ако Русија навистина веруваше дека Украина е инволвирана во соборувањето на авионот, секако претседателот Путин ќе им кажеше на сепаратистите, повеќето нивни лидери се од Русија, да ги чуваат доказите по секоја цена и херметички да го затворат местото.“
Нецелосната соработка на проруските сепаратисти со меѓународните истражители и наводите дека бунтовниците ги преместувале доказите по соборувањето на малезискиот авион, за претседателот Барак Обама води само кон едно прашање: „Што тие всушност сакаат да сокријат?“.
Освен податоците во црните кутии, драгоцени информации можат да понудат и хемиските остатоци на авионот за утврдување на точниот тип на оружје со кој било соборено леталото на Малезија Ерлајнс.
Локацијата каде што паднал, според експертите, може да даде информации за тоа како се одвивал целиот напад.
Меѓународните посматрачи веќе посочија дека некои докази биле прикриени. Наводно тие виделе дека голем дел од авионот бил одвоен од трупот и преместен.
Набљудувачите на ОБСЕ во Украина соопштија дека вчера биле пренесени повеќе од 200 тела од територијата под контрола на бунтовниците во Харков, во делот кој е под контрола на украинската влада. Тимот на Интерпол во Харков почна со идентификација на дел од телата. Набљудувачите на ОБСЕ соопштија дека сè уште има човечки останки на местото на падот на авионот. Британски истражители на воздухопловни несреќи ќе ги прегледуваат црните кутии од авионот што беа предадени од проруските бунтовници. Украински и западни претставници велат дека се зголемуваат доказите дека малезискиот авион на 17 јули бил соборен од проруските сепаратисти.