Од утрово два хеликоптера се вклучени во гаснењето на пожарот во атарот на селото Горно Мелничани во општина Центар Жупа, а со вода се снабдуваат од Дебарското Езеро. Тоа е по барање на градоначалникот Аријан Ибраим, поради распламтување на пожарот кој веќе опожарил повеќе од 15 хектари високостеблеста букова шума.
На распламтување на пожарот, којшто вчера бил ставен под контрола, влијаеше и ветерот во ноќните часови.
Џетан Мифтароски, командир на дебарската територијална противпожарна единица, изјави:
– Во гаснење на пожарот се вклучени и повеќе од 100 лица од противпожарната единица во Дебар и Гостивар, како и припадници на полицијата, специјалната полициска едница за брзи интервенции, од подружницата на „Национални шуми и вработени во општината, рече Мифтароски.