Се очекува израелската влада денеска попладне да даде зелено светло за плнот на Нетанјаху за окупација на целиот Појас Газа.
Израелските медиуми веќе објавуваат некои детали од планот според копи окупацијата би траела 4 до 5 месеци и при тоа ќе бидат раселени околу еден милион Палестинци.
Планот, на кој се спротивставуваат високи офицери на ИДФ кои стравуваат дека ќе ги загрози животите на заложниците на Хамас, наводно има за цел да го уништи она што останало од палестинската терористичка организација и да изврши притисок врз неа да ги ослободи 50-те заложници што сè уште ги држи, од кои околу 20 се живи, откако неодамнешните разговори за постигнување договор не успеаја.
Како што објави „ Тајмс оф Израел“, планот на Нетанјаху ќе започне со окупација на градот Газа и камповите во централниот појас, протерувајќи околу половина од населението на енклавата кон југ, кон хуманитарната зона Маваши.
Двете фази од проектот
Според вестите на Канал 12 , во првата фаза од планот, Израел ќе издаде предупредување за евакуација до жителите на градот Газа – проценети на околу 1 милион луѓе – за да се овозможи време за изградба на инфраструктура за цивилите во центарот на градот, вклучувајќи болници и кампови за раселените лица, при што се очекува оваа фаза да трае неколку недели.
Во втората фаза, Израел ќе започне воена офанзива, за време на која се очекува американскиот претседател Доналд Трамп да одржи говор во кој ќе го објави забрзувањето на хуманитарната помош во координација со Израел.
Телевизиите Ynet, Kan и Channel 13 објавија дека се очекува четири до пет дивизии на ИДФ да бидат вклучени во операцијата. Според Кан, покрај градот Газа во северниот дел од Појасот, планот бил да се прошири и во камповите во централна Газа, каде што ИДФ досега има минимално присуство. Се очекува цивилното население да биде потиснато подалеку во јужниот дел од Појасот, додека операциите ќе се спроведуваат во области каде што се верува дека се држат заложници, со напори да се избегне каква било штета за нив. Сите верзии на планот, според истите извори, беа презентирани во тричасовна дискусија меѓу помала група во вторник, во која началникот на Генералштабот на ИДФ, генерал-потполковник Ејал Земир, му презентираше на Нетанјаху различни опции за продолжување на воените операции во Појасот Газа.
Улогата на центрите за помош
Амбасадорот на САД во Израел, Мајк Хакаби, во средата за Блумберг изјави дека постои притисок брзо да се додадат 12 центри за помош на четирите што веќе работат под израелско и американско покровителство.
Проширувањето ќе биде финансирано со околу 1 милијарда долари донации од САД и други земји, објави Канал 12, додавајќи дека целта би била да им се даде на жителите на Газа пристап до помош што го заобиколува Хамас, додека градот Газа останува под израелска контрола.
Кан, исто така, извести за алтернативен план на маса, кој би го опколил градот Газа и камповите во неговиот центар, би ја блокирал помошта за тие области и би започнал целни напади наместо целосна окупација, со цел да се ослаби Хамас.
Недостатокот на овој план би бил што ќе потрае, но безбедносните претставници рекоа дека тоа би можело да биде прв чекор пред преземањето на областите, при што Бенјамин Нетанјаху наводно го отфрлил овој план.
Израелските вооружени сили ќе бидат повикани да ги „спроведат“ претстојните одлуки за продолжување на војната во Појасот Газа, нагласи вчера министерот за одбрана Израел Кац во пресрет на клучниот состанок во тесен состав за следната фаза од операциите – на кој реагираше воената хиерархија.