Едномесечни близначиња се најмладите заразени со коронавирус во болницата во Козле

Директорот на Детската клиника за белодробни заболувања во Козле, Бесник  Зеќири, во гостувањето во „Утрински брифинг“ на Слободна ТВ порача дека најмлади пациенти со коронавирус се едномесечни близнаци.

– Во моментов имаме 22 деца хоспитализирани во нашата установа. Поголемиот  дел се лекуваат амбулантски. Најмладите пациенти заболени од  коронавирус се близначиња од по месец дена. Повозрасните се 16-17 години. Младите доаѓаат навреме на лекување, тоа значи дека родителите се грижат за нивното здравје, порача Зеќири.