Новиот Устав во Египет прифатен, над 90 проценти од гласачите кои учествуваа на референдумот што се оддржа вчера и завчера, го поддржале, соопшти денеска претставник на египетските власти.
Според претставникот, овој резултат е добиен врз основа на повеќе од половината преброени гласачки ливчиња, нагласувајќи дека сепак е неофицијален.
Претходно, директорот за односи со јавноста на египетското Министерство за внатрешни работи, генерал-мајорот Абдел Фатах Охма соопшти дека „е можно одѕивот да биде поголем од 55 отсто“, како и дека за новиот Устав гласале „можеби повеќе од 95 отсто од избирачите“.
Сите прогнози беа дека Египќните ќе го подржат новиот Устав со огромно мнозинство.
Референдумот беше своевиден тест за поддршката на преодната Влада поддржана од војската, која бепе формирана по соборувањето на претседателот исламист Мохамед Морси во јули минатата година.
Движењето Муслимансмо братство, кое го поддржува Морси, повика на бојкот на референдумот.
Новиот устав ќе го замени Уставниот акт, кој Морси го потпиша во декември 2012 година, а кој претходно беше одобрен на референдум.