Европската комисија очекува „појаснувања“ од поранешната еврокомесарка од Холандија Нели Крос, обвинета дека била администратор (управник) на оф-шор компанија со седиште во Бахамите (даночен рај) за време на нејзиниот мандат, јавува дописикот на МИА од Париз.
Веста за оваа нова афера ја објави париски Ле Монд, еден од весниците вклучен во меѓународниот конзорциум на медиуми кои објавија нова листа на даночни затајувачи во светот, овој пат оние кои ги кријат парите во Бахамите, откако претходната беше во Панама.
Жан-Клод Јункер, актуелниот претседател на Европската комисија побарал „појаснувања“ по пошта од поранешната Комесарка за конкуренција и технологии, Нели Крос. Имено таа во периодот од 2004 година до 2009 година била, за време на нејзиниот мандат, управник на една компанија во Бахамите, иако таа функција е во конфликт со нејизната комесарска функција. Покрај ова, таа не ја ни пријавила оваа нејизна компанија.
За време на брифинг за новинарите во Брисел, Маргаритис Шинас, портпарол на Комисијата, соопшти дека комисијата „бара појаснување и оти откако ќе ги има сите факти, ќе биде одлучено каква акција ќе се преземе.
– Ова следи по писменото барање од претседателот на Европската комисија Жан-Клод Јункер испратено до Нели Крос, барајќи појаснувања. Ова писмо е важен елемент, истакна Шинас, наведувајќи дека писмото било објавено денеска, а таа не знае кога Нели Крос ќе одговори на истото.
Според документите во сопственост на Зидојче цајтунг и Меѓународниот конзорциум на истражните новинари ИЦИЖ, откриени од страна на Trouw и холандскиот весник Троув и Хет Финансие Дабалд, Крос била директор на Минт холдингс ЛТД, оф-шор компанија со седиште во Бахами, од 4 јули 2000 до 1 октомври 2009 година. Но, во периодот меѓу 2004 и 2009 година, Крос беше Комесар за конкуренција, додека Кодексот на однесување на ЕУ предвидува дека „членовите на Комисијата не можат да работат на која било друга професија, платена или не“.
Европските комесари на почетокот на нивниот мандат, не само што треба да се откажат од сите функции за управување, но, исто така, треба да известат во јавен регистар за сите функции кои ги извршувале о последните десет години, без разлика дали за тоа биле платени.
Поранешната холандска министерка за транспорт тврди дека ја напуштила функцијата во Минтхолдингс во 2002 година, а компанијата во 2004 година, веднаш на почетокот на својот прв мандат како европски комесар, објавија холандските медиуми. На крајот на вториот мандат на Комисијата во 2014 година, таа се приклучи на Банката на Америка Мерил Линч, а сега работи за американскиот Убер