Eкс градоначалникот на Гази Баба Тони Трајковски – обвинет во „ТНТ“ побара изземање на специјалната јавна обвинителка Катица Јанева поради сомневање за поврзаност на директорот на градежната фирма која била инвеститор во зградата на Космос со случајот „Рекет“.
Трајковски во барањето за изземање на Јанева навел дека директорот на фирмата„Дрим билдинг“, Адриан Амзоски, кој бил инвеститор во зградата „Космос“, а за кого било повлечено обвинението уплатил средства на организацијата „Меѓународен сојуз“ каде претседател е лицето Бојан Јовановски – Боки 13, сега осомничен за Рекет.
„Среде постапка Катица Јанева го повлече обвинението против Амзоски. Уплатената сума од над 16 милиони денари, е повисока од вкупниот годишен приход на „Дрим билдинг“, рече Трајковски.
Судот дополнително ќе се изјасни по барањето, затоа што барањето за изземање на Јанева било поднесено непосредно пред почетокот на денешното рочиште.
Според обвинението на СЈО, обвинетите во 2011 година сториле кривично дело од политичка омраза со уривање на комплексот „Космос” на Фијат Цаноски. Случајот се наоѓа во доказна постапка, а застапник на обвиненито е Бурим Рустеми од СЈО.
Во предметот „ТНТ“, меѓу обвинетите се поранешниот премиер Никола Груевски, поранешниот министер за транспорт и врски Миле Јанакиески, како и Трајковски.
Според обвинението на СЈО, обвинетите во 2011 година сториле кривично дело од политичка омраза со уривање на комплексот „Космос“ на Фијат Цаноски. Случајот се наоѓа во доказна постапка, а застапник на обвиненито е Бурим Рустеми од СЈО.