Познатата екс- новинарка на ХТВ Дијана Чуљак беше уапсена минатата ноќ во пред својот дом во центарот на Загреб, во друштво со својот партнер, поранешниот полициски директор Оливер Грбиќ, јавува Јутарњи лист.
Хрватските медиуми пишуваат дека барала од неколку сведоци да ги промена изјавите кои биле неповолни за неа и кои се всушност доказ за нејзината вина. Полицијата тајно ги снимала разговорите, а според најавите, обвинителството ќе побара од Окружниот суд поради влијание врз сведоците Чуљак да биде задржана во притвор.
Чуљак е еден од осомничените во аферата Core Media, заедно со нејзиниот поранешен сопруг, Владимир Шелебај и четири други лица за неплаќање на 3,1 милиони евра ДДВ и за нелегално извлекување на повеќе од 16 милиони евра од фирмите Core Media и Media Spot.