Почна судењето за екс претседателката на ДКСК Димитровска. Обвинителството ќе докажува две дела – дека му одала службена тајна на Небојша Стојановиќ обвинет во „Адитив“, но и дека ревизорот Столевски во нејзино име го полагал тестот за сертификат „државна тајна“.
Одбраната ќе го побива обвинението дека податоците што завршиле кај Стојановиќ не се службена тајна, туку јавно достапни.
За делото компјутерски фалсификат, велат дека тестот не е клучен елемент за таа да добие сертификат државна тајна, туку проценката на АНБ.
За таа цел предложиле да сведочи претставници на АНБ и од ДКСК.
Очекувам за Татјана Димитровска ослободителна пресуда, тоа е се што можам да кажам во овој момент, бидејќи во меѓувреме доставивме докази, кои целосно го дискредитираат обвинението против неа. Тоа се докажи од Антикорупциска, извештај од 30 јули 2025 година, со ко се потврдува тезата на одбраната дека не е остварено законско битие на кривичното дело одавање на службена тајна, рече Владимир Туфегџиќ, адвокат на Димитровска.
Одбраната има право да има своја теорија на случај но обвинителството располага со цврсти докази за да ја докажат вината на обвинетите, велат обвинителите.
При крај е и анализата на податоците екстрахирани од телефонот на Димитровска.
Имајќи предвид дека се работи за околу 250.000електронски записи од телефонот на претседателката, меѓутоа сакам да ве известам дека заедно со колегата паралелно додека се врши анализата на податоците од телефонот, обвинителството презема и други дејствија, како прибавување на потребни податоци од сите надлежни институции и сослушување на сведоци по однос на одредени индиции коишто произлегуваат од овие податоци, рече Наташа Поп Трајкова, обвинителка во ОЈО ГОКК
Покрај Димитровска денеска на обвинителна клупа седнаа и ревизорот Миле Столевски како и обвинетите Борче Најдов , Билјана Петровска Мантева.
Обвинителите бараа овој предмет да се спои со „Адитив“, адвокатите се противеа, а судиите одлучија постапката да се раздвои само за Борче Најдов.
Еден од адвокатите ја спореше и надлежноста на одделот за организиран криминал, судиите не прифатија но за ова прашање ќе треба да се произнесе и Апелација