Поранешниот селектор на Словенија, на Македонија и на Обединетите Арапски Емирати е нов предводик на националниот тим на Ирак. Словенечкиот стручњак ги усогласи личните услови со ирачкиот фудбалски сојуз, а во наредните денови се очекува и потпишување на договорот што ќе се однесува на наредните три години. Негов ривал за кормилото беше Швеѓанецот Свен Јеран Ериксон.
Една од главните цели што се поставени пред Катанец е пласман на Светското првенство во Катар во 2022 година. За селекторскиот ангажман ќе има годишна плата од 1,2 милиони долари или вкупно 3,6 милиони долари за сиот период од договорот. Катанец како фудбалер играше за Партизан, за Динамо Загреб, за Олимпија Љубљана, за Штутгарт, за Сампдорија.