Published: Monday, September 5, 2022 11:56
Силна експлозија одекна во близина на руската амбасада во Кабул, јавија денеска локалните медиуми.
Жител на Кабул за агенцијата ДПА изјавил дека талибанските безбедносни сили го опколиле патот што води до амбасадата. На снимките објавени на локалните медиуми се гледаат возила на брза помош како се движат кон областа.
Досега има различни информации за целта на експлозијата. Некои извори цитираа сведок кој рекол дека експлозијата се случила пред амбасадата додека Авганистанци чекале визи.
Безбедносни претставници засега не соопштуваат никакви детали за експлозијата.
Засега никој нема преземено одговорност за нападот.