Борче Трајковски: Во јатото леташ, во стадото пасеш …? Епа …
На сите оние на кои им требаа дополнителни докази за сторени тешки коруптивни дејанија, за фалсификување избори со фиктивни гласачи, со лажни лични карти, со исклучени лифтови, ендеци и жолти ленти оклу рестораните на непослушните, за укинувањето на надоместоците на семејството на Проески заради тоа што биле “комуњари“, за начинот на кој се полнела партијската каса на ДПМНЕ со лажни уплати, и редица други слушнати неправилности со кои се злоупотребувала власта, не можеме да им помогнеме. Тие и после слушнатото, се во истото стадо …
Ги читам коментарите после оставката на Ленче Ристоска и воопшто не се чудам, ниту се запрепастувам.
Стадото е исто.
Џабе е да им нацрташ, дека Ленче бараше и прибираше дополнителни докази поврзани со оние кои ги слушнала во “бомбите“ и дека ги собра. Не еден туку илјадници докази собра за да пред судовите докаже дека нејзините обвиненија се издржани.
Тоа со што се соочи и Ленче и сите ние кога нејзините предмети се појавија во сите нивоа на судовите па и пред “Сфаровски“ судиите во Апелација, и начелните мислења на Врховниот судски апаш, за припадниците на стадото се исправни судски одлуки.
Воопшто не им е битно дека одредени обвиненија застареа со адвокатските игри на дупките во законите креирани од сите политички арамии кои биле на власт во Македонија, со прашината во апелациските фиоки.
За припадниците на “стадото“ многу побитно е дека предметите не добиле судски завршници, дека застареле заради несоодветно управување на обвинителите, дека СЈО зимале големи додатоци. И гајле им е на припадниците на стадото.
Никој не се дрзнува да искоментира за милионскиот залог на Мијалков со Вилма, например, да се запрашаат: ако Ленче земала големи додатоци на платата, тогаш од каде му се на Мијалков 36 милиони евра со кои се испазарил за да добие минимална затворска казна во хотелски услови, а заради кои Ленче го стави во притвор и не дозволуваше да излезе за да се брани од слобода…?
Знам дека и после ваков статус, тие од стадото ќе се однесуваат вообичаено, како овчички.
Епа паси македонче …
Извор: Фејсбук