Турција ќе ги отвори своите гранични премини за бегалците кон Европа, „доколку ЕУ продолжи со својата политка“, се закани денеска турскиот претседател Реџеп Таип Ердоган, говорејќи по вчерашното гласање во Европскиот парламент за привремено замрзнување на преговорите за членство со Анкара.
-Никогаш не ја третиравте хуманоста чесно и никогаш на луѓето не гледавте фер. Не им помагавте на бебињата кога се давеа во Медитеранот. Ние во оваа земја раниме 3,5 милиони бегалци, рече Ердоган.
– Не го исполнивте ветувањето. Кога 50.000 бегалци се појавија на граничниот премин Капикуле, почнавте да плачете и да повторувате: Што ќе правиме кога Турција ќе ги отвори граничните премини. Доколку продолжите, овие гранични премини ќе бидат отворени. Тоа треба да го знаете, додаде тој.
Европските парламентарци вчера (24.ноември) со 479 гласа „за“ и 37 „против“ изгласаа привремено запирање на преговорите на ЕУ за членство на Турција, поради несоодветниот одговор на Анкара во однос на обидот за државен удар на 15 јули.