Есма Реџепова изјавила дека е разочарана од повлекувањето на песната „Империја“ и дека таа повеќе и’ се допаѓа од новата песна.
– Досега во мојата 55 годишна кариера не сум доживеала некој да ми ја врати песнaта, како што беше случај со „Империја“, која рака на срце мене повеќе ми се допаѓаше, но ете за се има првпат. Сепак и со интерпретацијата на „Пред да се раздени“ ќе можам на целата европска јавност да и покажам дел од моите вокални квалитети – изјавила Есма за Нова Македонија.
Новата песна со која Македонија ќе биде претставена на Евросонг во Малме се вика „Пред да се раздени“, a ќе се емитува на Првата програма на МТВ вечерва со почеток од 20.45 часот.
Текстот го напиша Магдалена Цветковска Ена, а музиката е на Лазар Цветковски и Дарко Димитров. Автор на делот што ќе го пее Есма е нејзиниот син Симеон Атанасов.