Медијаторот Метју Нимиц се очекува во почетокот на јуни да побара одговор од Македонија и Грција за предлозите кои ги претстави на последната средба со амбасадорите Зоран Јолевски и Адамантиос Василакис, пишува грчкиот весник „Етнос“.
-Атина не планирала категорично да го отфрли последниот предлог на Нимиц, но се очекува да бара што е можно пошироки промени за да се врати рамнотежата која треба да ја има предлогот за да се одржат надежите за постигнување договор, пишува весникот.
Василакис имал јасни инструкции од премиерот Самарас и министерот Аврамопулос да му сигнализира на Нимиц дека предлозите како „Република Горна Македонија“ не се прифатливи,со оглед на фактот што не кореспондираат со грчкиот став за прифатливо име кое би било географско дефинирање на терминот „Македонија“ а не на државното уредување, пишува „Етнос“.