EU Support for Rule of Law објави: Заедно со Јавното обвинителство на Република Северна Македонија се одржа конференцијата „Од стратегија до имплементација: Зајакнување на комуникацијата на Јавното обвинителство со јавноста“, на која беа претставени новата Комуникациска стратегија и новото лого на институцијата.
Стратегијата, подготвена со поддршка на експертите од Компонента 1 на проектот, претставува значаен чекор кон поотворена, потранспарентна и поефективна комуникација со јавноста, во согласност со европските стандарди и добри практики.
Конференцијата собра претставници на Јавното обвинителство, Здружението на јавните обвинители, Академијата за судии и јавни обвинители, како и медиумски професионалци. Посебен придонес дадоа и високите претставници на Јавното обвинителство на Република Португалија, кои ги споделија своите искуства и добри практики во областа на институционалната комуникација.
Настанот следеше по потпишувањето на Меморандумот за соработка меѓу јавните обвинителства на Северна Македонија и Португалија, со што дополнително се зацврстува партнерството меѓу двете институции и се отвораат нови можности за размена на искуства, експертиза и заеднички активности во повеќе области од заеднички интерес.