Дваесет и едногодишната Кристина Димитријевиќ од Влашко Поле е девојката поради која монструмот Богдановиќ го извршил злосторничкиот чин и пукаше во сопствената жена и во синот, а потоа во уште 12 жители на селото, јавува Телеграф.
Сепак таа во интервју за српскиот портал изјавила дека никогаш не била во врска со синот на Богдановиќ и дека целиот настан е лажен и измислен.
„Синот на Љубиша, покојниот Бранко, го знам веќе со години. Се запознавме кога се роди Давид Деспотовиќ, кого што Љубиша исто така го уби. Таму отидов бидејќи сме роднини со убиеното дете, а таму беше и Бранко. Тврдам дека никогаш не бевме во врска и дека целата ситуација за нас е измислена“, изјавила Кристина.
Според зборовите на Кристина, таа никогаш не била во семејната куќа на Богдановиќ, туку дека со покојниот Бранко случајно се среќавале во селото и кај нивните пријатели.
Замолена да го прокоментира страшниот настан кој што се случил во Велика Иванча, кога беа убиени и дел од членовите од нејзината фамилија Деспотовиќ, Кристина кратко изјавила: “Требало да го убие само својот син, а не малиот Давид и мојата фамилија”.
Кристина додава дека не сака новинарите повеќе да ја вознемируваат, односно дека таа не сака да си направи проблеми со својот партнер, за кого напоменала дека многу го сака.
“Би сакала сите да ме остават на мира, овие приказни не ми се потребни. Не сум проститутка, туку сум нормална девојка, школувана и морална. Повторувам, имам дечко кој го сакам и се плашам за тоа како сето ова тој ќе го поднесе”, изјавила Кристина.