ЕУ стравува од наплив на џидахисти на европска терориторија доколку терористичката организација Исламска држава (ИД) биде истерана од своето упориште – градот Мосул во Ирак, предупреди денес комесарот за безбедност на Европската комисија (ЕК), Џулијан Кинг, во интервју за германскиот весник „Ди Велт“.
Според Кинг, дури и мал број на милитанти повратници би претставувал сериозна закана. Тие би се вратиле во Европа за се осветат и поради што ЕУ мора да биде подготвена со тоа што ќе ги зголеми способностите за борба против терористичката закана.
Ирачките сили вчера почнаа офанзива во Мосул, каде се проценува дека се останати околу 5.000 борци на ИД.
Според Кинг, во борбените зони под контрола на ИД во моментов има околу 2.500 борци со потекло од земји-членки на ЕУ.
Според германските медиуми, во секоја земја се потребни 10 полицајци кои 24 часа би ги надгледувале исламистите кои се враќаат од конфликтната зона. А полицијата е веќе преоптоваренa со работа во сите земји на ЕУ поради терористичката закана.
Враќањето на џихадистите во Европа е закана не само за ЕУ туку и за Русија, Балканот и земјите на Магреб, вели за агенцијата АФП извор во француските безбедносни служби. Според овој извор, ирачката армија и меѓународната коалиција треба да ги фатат сите џихадисти кои ќе бегаат од Мосул и да ги задржат во Рака, «главниот град» на групата ИД во Сирија.