Европската комисија ќе покрене судска постапка против Google

Европската комисија (ЕК) ќе покрене судска постапка против Google за монопол, објави New York Times.

Денеска во Брисел би требало да биде официјално објавено дека против Google се покренува постапка. Google држи речиси 90 отсто од пазарот за интернет пребарување во Европа, а ЕК го товари американскиот технолошки гигант дека ја злоупотребил доминантната позиција на пазарот за да го отежне работењето на конкурентските фирми.

Доколку ЕК ги поткрепи тврдењата со докази, Google ќе мора да плати огромна парична казна, којашто би можела да изнесува до 6 милијарди евра, но и да го промени својот модел на работење во Европа.

Google засега не ги коментира овие обвинувања.