Европскиот парламент (ЕП) и најголемите политички групи одлучија да ја санкционираат екстремната десница и лажното гласање во име на француската пратеничка Марин Ле Пен.
ЕП одлучи да го санкционира холандскиот пратеник Марсел Де Граф, ко-претседател на политичката група Европа на нации и слобода, поради тоа што гласал наместо Марин Ле Пен, претседателката на францускиот екстремно-десен Национален фронт и европратеничка. Де Граф ја добил од Ле Пен нејзината карта за гласање и гласал вo нејзино име откако таа ја напуштила пленарната сесија на ЕП.
Парламентот потсетува дека правото на глас е индивидуална одговорност.
“Се чини дека на групата Европа на нации и слобода и на партијата Национален фронт, во кои претседава Ле Пен, не им се многу важни демократските правила”, изјави Ана Марија Кораца Билд, шведска пратеничка кој го откри лажното гласање на Де Граф кое се случило на време на пленарната сесија на ЕП во октомври.
Но ова не е крај на скандалот. Кораца Билд тврди дека целата вина не смее да се фрли само врз Де Граф. Се чини дека уште една француски пратеник од Националниот фронт исто така гласал за својата претседателка Марин Ле Пен.
Се очекуваат резултатите на внатрешната истрага за да се открие вистината за лажното гласање а ЕП да утврди која е политичката одговорност на Ле Пен како ко-претседателка на групата Европа на нации и слобода.
Инаку Против француската Марин Ле Пен е започната истрага откако на Твитер објавила фотографии од егзекутирања кои ги извршува теророристичката група Исламската држава како и слика на која е прикажано како џихадисти обезглавуваат заложник.