Министрите за финансии на земјите од еврозоната ја одобрија помошта за Кипар, а средствата ќе ги добие откако пакетот ќе биде одобрен и од националните парламенти.
Според договорот постигнат минатиот месец, Кипар требаше да обезбеди 7 милијарди евра, а меѓународните партнери ЕУ, Европската централна банка и ММФ дополнителни 10 милијарди евра.
Земјите од еврозоната оценија дека постигнатиот договор со Кипар ќе овозможи да се санира проблематичната ситуација во земјата и да се врати економијата на патот на одржливоста.
Првата транша од помошта се очекува да биде исплатена во мај годинава.
Сепак поради очекуваниот голем пад на економијата во земјата, на Кипар и се потребни уште дополнителни 6 милијарди евра, кои планира да ги обезбеди преку реструктуирање на проблематичниот банкарски сектор.