На Меѓународниот аеродром Скопје и во воздушниот простор над главниот град денеска ќе биде организирана активност со цел да се демонстрира начинот на изведување на мисијата на НАТО за воздушно патролирање над Северна Македонија. Како што соопштија од владината прес-служба, за време на планираната активност, медиумите и пошироката јавност ќе можат да се запознаат и да посведочат за начинот на кој се изведува воздухопловното патролирање, како и да се запознаат со борбените воздухоплови на НАТО Ф-16 и АВАКС кои ќе бидат вклучени во оваа активност. На настанот ќе присуствуваат министерката за одбрана, Радмила Шекеринска и високи гости од Собранието и од Владата, командантот на НАТО центарот за комбинирани воздушни операции во Торехон, генерал потполковник Фернандо де ла Круз Каравака и началникот на Генералштабот, генерал-потполковник Васко Ѓурчиновски. По завршување на настанот, обраќања ќе имаат министерката Шекеринска и генералот Де ла Круз. Со овој настан, ќе се одбележи официјалното вклучување на воздушниот простор на Република Северна Македонија во системот на НАТО воздушно патролирање.
Ф-16 и АВАКС над Скопје: Демонстрација на мисијата на НАТО за воздушно патролирање над С. Македонија
0