Пилотите на Мерцедес продолжуваат со „тероризирање“ на конкуренцијата во Формула 1 шампионатот во оваа сезона. Хамилтон и Ботас слават нова еден-два победа, овојпат за ГН на Шпанија по која на највисокото место на подиум со искачи Британецот.
Бранителот на титулата славеше во поприлично еднолична трка што мина без претерани возбудувања и претекнувања. Хамилтон стартуваше од втората позиција, но веќе на првиот свиок го претекна Ботас што го стори и Макс Ферстапен во борбата со Себастијан Фетел.
Ферари одново се мачеше во текот на целата трка и неговите возачи останаа без подиум крај Барселона. Меѓутоа она што дополнително го оптоварува тимот од Маранело е петтиот двоен триумф на најголемиот ривал во сезоната што претставува најдобар вовед на една екипа во историјата на октанскиот циркус.
На патеката „Каталуња“ за првпат видовме и безбедносно возило во 2019 година. Излезе на 15 кругови до крајот по инцидентот во кој учествуваа Ленс Строл и Ландо Норис, но ништо не смени во поглед на пласманот на најдобрите.
Хамилтон забележа и најбрз круг и до третата победа во сезоната стигна за 1:35:50.443 часа. Нешто повеќе од четири секунди по него низ целта мина Валтери Ботас, трет беше Макс Ферстапен од Ред Бул.
Британецот го презеде водството во генералниот пласман со 112 бода, седум повеќе од клупскиот колега од Финска. По нив е Ферстапен со 66 бода.
Наредна станица во Формула 1 сезоната е Монако и ГН на Монте Карло на 26 мај.
Резултати од трката за ГН на Шпанија
Луис Хамилтон (Мерцедес) 1:35:50.443 часа
Валтери Ботас (Мерцедес) +4.074 сек.
Макс Ферстапен (Ред Бул Рејсинг Хонда) +7.679 сек.
Себастијан Фетел (Ферари) +9.167 сек.
Шарл Леклер (Ферари) +13.361 сек.
Пјер Гасли (Ред Бул Рејсинг Хонда) +19.576 сек.
Кевин Магнусен (Хас Ферари) +28.159 сек.
Карлос Сајнц (Мекларен Рено) +32.342 сек.
Данил Квјат (Скудерија Торо Росо Хонда) +33.056 сек.
Роман Грожан (Хас Ферари) +34.641 сек., итн.
Генерален пласман на возачи
Луис Хамилтон (В. Британија) 112 бода
Валтери Ботас (Финска) 105
Макс Ферстапен (Холандија) 66
Себастијан Фетел (Германија) 64
Шарл Леклер (Монако) 57
Пјер Гасли (Франција) 21
Кевин Магнусен (Данска) 14
Серхио Перез (Мексико) 13
Кими Раиконен (Финска) 13
Ландо Норис (В. Британија) 12, итн.
Генерален плассман на конструктори
Мерцедес 217 бода
Ферери 121
Ред Бул Рејсинг Хонда 87
Мекларен Рено 22
Рејсинг Поинт БВТ Мерцедес 17
Хас Ферари 15
Алфа Ромео Рејсинг Ферари 13
Рено 12
Скудерија Торо Росо Хонда 6
Вилијамс Мерцедес 0.