Жестока јавна расправа за загадувањето од Фени се случувала вчера доцна попладне во Општина Кавадарци. На расправата на која биле присутни заменик министерот за екологија Стево Темелковски, Лиле Поповска од ДОМ, невладината Еко Живот, преставници во Советот на општината, атмосферата ја подгреале работниците од Фени кои во поголем број биле донесени да присуствуваат на дискусијата. Според Роберто Паризов од Еко Живот, директорот на Фени и градоначалникот ја игнорирале расправата на која се дискутирало за тоа гигантот да престане да загадува.
Темелковски им ветил дека до април 2014 година Фени ќе мора да се прилагоди кон европските стандарди и да ги превземе сите мерки за да не испушта честички.
-Ве убедувам дека немаме дадено официјалне одговор на барањето на Фени за зголемување на потрошувачката на гуми за согорување од 10 на 25 проценти, но расположението за такво нешто е негативно изјавил Темелковски.