Фетбој Слим (Fatboy Slim), еден од најголемите диџеи на сите времиња, со портфолио на домаќин на најголемите електронски журки во историјата, во голем стил ќе ја отвори овогодинешната Денс-арена на Егзит.
„Ју-ту“ (U2), Мадона (Madonna), „Бисти Бојс“ (Beastie Boys) се само некои од имињата со кој соработувал овој великан, а престижниот „Кју“ магазин го смести на листата на „50 изведувачи кои мора да ги видите додека сте живи“.
Ентузијазмот и енергијата во неговите настапи и самиот процес на творење на музика и понатаму се негов главен двигател. „Премногу го сакам ова за тукутака да се откажам. Никогаш не сум бил секс симбол, па не ми е важно дали луѓето мислат дека сум премногу стар или ќелав за да се занимавам со оваа работа. Постојано се обидувам да правам нешто ново. Никој не знае на која возраст еден диџеј би требало да престане да се занимава со музика. Очигледно сѐ уште не сум стигнал до таа возраст“- вели Норман Кук (Norman Cook), човекот кој се крие зад името Фетбој Слим. „Тоа ми причинува огромно задоволство“.
Егзит фестивалот почнува на 14 јули.