Законот за лекови во делот на паралелниот увоз треба да се смени и да се зајакне, да се воведат построги мерки со кои ќе се гарантира безбедноста на граѓаните и квалитетот на лековите. Ова се наметна во дискусијата на денешната јавна расправа на која министерот зз дравство Венко Филипче усно го презентираше Законот, но најголем број од дискутантите во најголем дел не ги виделе ниту ги прочитале измените во Законот.
Законот за паралелен увоз како дојде, така треба да се укине. Тоа ќе биде најправилното решение, изјави Весна Алексовска, пациентка со ретка болест и претседателка на Здруќението „Живот со предвизвици“.
-Мене серитификат не ми значи ништо. На нас пациентите сомнеж ни се лековите, се плашиме од нив и моето прашање е: Зошто не се укине овој закон? Тоа ќе биде најправилното решение, реќе Алексовска.
На слабоста на парлелниот увоз и на моментот на кој мора да се внимава при донесувањето на измените на Законот, укажа и професорот Зоран Гучев од Клиниката за детски болести. Тој потенцира дека во Македонија нема лабораторија која ќе го испитува биолошкиот квалитет на лековите.
-Треба да се одговори дали сертификат од производителот ќе има за секоја серија од лековите и потребен е и сертификат за ладниот ланец на производот, од земјата увозник до Македонија, рече Гучев. Неговите забелешки се однесуваат на тоа да се избегнат можните злоупотреби во законот, да се чита и да се осмисли од власта така како што треба.
Министерот Филипче ги бранеше предложените измени на текстот на Законот и смета дека не треба да се менува ништо во него. На јавната дебата говореа и претставници од здруженија на пациенти, особено оние со дијабетес, кои укажаа дека со години се жалеле на лошиот квалитет на инсулините.
Бистра Ангеловска, претседателка на Фармацевтската комора нагласи дека изборот на референтните земји кои се внесени во Законот треба да се ограничи само на земјите од ЕУ, а не како што е сега и трети земји.
Претседателката на Лекарската комора, Калина Гривчева Старделова истакна дека во земјите во регионот има и други методологии со кои можат да се обезбедат поевтини иновативни и скапи лекови и дека ние сме единствената земја со ваков закон.