Една од мерките што сигурно ќе се препорача е потребата да се прикаже потврда за примени две вакцини, односно тоа ќе прерасне во потврда за примени две дози вакцини или целосно вакцинирани лица, изјави министерот Филипче.
Министерот за здравство, Венко Филипче, во изјава за медиумите денеска најави дека од октомври ќе се препорача дополнување на мерката „една доза вакцина“ за влез во ресторани, трговски центри и други места.
Сега влезот во сите угостителски објекти и во други институции е можен со една доза, од октомври ќе се бара сертификат за целосна имунизација.
– Една од мерките што сигурно ќе се препорача е потребата да се прикаже потврда за примени две вакцини, односно тоа ќе прерасне во потврда за примени две дози вакцини или целосно вакцинирани лица, изјави министерот Филипче.
Министерот рече дека во болниците има доволно слободни кревети за хоспитализација на заразени од коронавирус.
– Тешко е да се каже дали ќе има пад на новодијагностицирани случаи или бројката ќе расте допрва. Затоа се прави анализа со нашиот стручен тим во Институтот за јавно здравје која ќе биде индикатор за нови мерки. Што се однесува до вакцинацијата, таа добро се спроведува. Има намалување на интересот за вакцинација во изминатиот период. Корона вирусот се шири помеѓу невакцинираните. Над 90 отсто од сите починати се невакцинирани, нагласи Филипче.
Бројката на новодијагностицирани со ковид-19 во моментов е слична на онаа од изминатите денови, а нема ниту зголемен број хоспитализирани деца.
Во однос на тоа дали ќе се менува нешто во школскиот модел, ќе се знае откако ќе биде готова експертската анализа.
Резултатите од анализата за опфатот на вакцинацијата и возрасната група на дијагностицирани, се очекуваат во сабота и ќе бидат индикатор и за тоа дали евентуално ќе се предложат дополнителни мерки. Потоа, во недела или понеделник, се очекува состанок на надлежните.
Според Филипче, за задолжителна вакцинација е се уште рано, иако не ја исклучува можноста.
– За задолжителна вакцинација е се уште рано, но не ја исклучувам можноста. Некои земји можеби идната година ќе воведат и таква мерка, но засега граѓаните треба да се свесни и да одговорат на апелите да се вакцинираат, зашто тоа е единствен начин за бобра против пандемијата, истакна Филипче, потенцирајќи и дека токму каде што е најголем опфатот со вакцинацијата, Охрид, Ресен, Вевчани, Неготино, Кавадарци, најмал е притисокот врз болниците, а онаму каде што има најмалку вакцинирани, како во Тетово и Гостивар, притисокот е огромен.
Децата, рече Филипче, се трансимитери, но родителите се заштитени ако се вакцинирани.
За други рестрикции, засега не се размислува.