Во вечерашното издание на емисијата „Само вистина” на Канал 5 телевизија во која гостуваше министерот за здравство д-р Венко Филипче, истакна дека во текот на кризата со пандемијата здравствените работници ги оправдаа покачувањата на платите кои во изминатиот период беа реализирани, но и паричните средства кои ги добија како награда кон крајот на изминатата 2020 година. Тој истакна дека оваа инвестиција чинеше вкупно 30 милиони евра, почнувајќи од 2017 година па наваму, со што токму оваа инвестиција е влогот во човечкиот капитал и влогот во младите кои треба да ги мотивираме да се едуцираат и развиваат професионално во државата, како и сите други здравствени работници кои се заслужни за справувањето со ковид пандемијата.
„Здравствените работници во нашата земја се единствени здравствени работници посебно лекарите специјалисти коишто имаат дуплирање на плата споредбено со било која друга европска земја. Јас не знам за друга земја во којашто за три години платите на лекарите специјалисти заедно со дежурствата се практично дуплирани. Тоа што беше плата 60.000 до 65.000 денари, сега во некои клиники стигнува и над 120.000 денари и ние така ја започнавме кризата. Првиот месец март, април минатата година беше месец кога беше последното зголемување и огромен број на специјалисти ги добија своите огромен број на плати. Во делот на медицинските сестри беше исто така, платите коишто беа помеѓу 19.000-25.000 денари сега варираат помеѓу 25.000-33.000 денари. Ова е огромно зголемување од околу 30%. Околу Нова година решивме дека сите здравствени работници коишто работат со ковид пациенти беа наградени со сума на пари од 30.000 денари, а сега со зголемување од 5% на примањата на сите здравствени работници почнувајќи од месец мај, кои поради технички причини беа задоцнети меѓутоа на крајот на овој месец ќе се исплатат за март, април, мај и јуни за да во следниот месец сите здравствени работници го добијат тоа зголемување од 5%. Близу 30 милиони евра чини вкупната инвестиција во примањата на здравствените работници и сите други вработени, административци, помошно-технички персонал во здравствениот сектор од 2017 година до сега“, рече министерот Филипче.