Published: Saturday, August 7, 2021 17:17
Забрана за свадби, прослави и за одржување масовни настани на затворено. Угостителските објекти во затворениот дел да работат со 30 проценти од капацитетот, а на иста маса во кафеана да може да седат само 4 лица.
Ова се предлозите кои претпладнето министерот за здравство Венко Филипче и Комисијата за заразни болести, по состанокот им ги испратиле на Генералниот кризен штаб во Владата за справување со корона вирусот. Со тоа што, попладнево Филипче дообјасни дека овие предлог -рестриктивни мерки не се само за Тетово туку за целата територија на државата односно за сите населени места.
„Не е за Тетово, за цела држава е. Предлогот е за секаде, на сите места, не само за Тетово“, рече Филипче за „Телма“.