Во централниот дел на Грција, чуварите на еден од затворите, спречиле обид за бегство на осуденикот Панајотис Властос, кој пак бил ранет во оружен напад.
Од хеликоптерот, кој се приближувал кон затворот, четири лица пукале кон чуварите и полицијата, а истовремено во дворот се обидувале да спуштат вреќа на која требало да се фати Властос.
Чуварите одговориле на огнот, со што го спречиле бегството.
Властос бил осуден на две доживотни затворски казни и 25 години затвор поради членството во таканаречениот криминален синдикат кој бил одговорен за платени убиства.
Тој се обидел да побегне од затвор во Атина во декември 2011 година.
Заменик министерот за правда Костас Карагунис изразил задоволство од одговорот на чуварите и пред локалните медиуми рекол дека владата и претходно добила информација за обидот за бегство на Властос.