Пратениците ја завршија денешната расправа за ребалансот на буџетот, а претседателот на Собранието, Талат Џафери продолжението на седницата го закажа за утре, со почеток во 11 часот.
Пратениците од СДСМ и ВМРО-ДПМНЕ и на денешната собраниска седница за ребалансот на буџетот продолжија со иста реторика како и претходните три дена.
Според владејачкото мнозинство, кратења во државната каса мора да има, бидејќи претходната власт проектирала нереални суми со кои го оневозможува реализирањето на платите, пензиите, социјалните трансфери, здравствените услуги, субвенциите…
Исто така потенцираа дека ќе мора да се враќаат и стари долгови, бидејќи претходната влада се задолжувала со кредити со високи каматни стапки.
Според опозицијата, пак, ребалансот е неразвоен, а со кратењата на наводните непродуктивни трошоци, новата Влада само сака да ги протурка популистичките мерки – минимална плата од 12 илјади денари и укинување на радиодифузната такса, како и да обезбеди пари за партиски
Пратениците на ВМРО-ДПМНЕ сметаат дека вака како што е проектиран, ребалансот на буџетот нема да овозможи никаков раст на економијата и тешко ќе бидат остварени 2,2 проценти пораст на домашниот-бруто производ. Тие предвидуваат дека до крајот на годината ќе има уште еден ребаланс.
Утре е последен ден за пленарна расправа кога се очекува пратениците да го изгласаат ребалансот на буџетот за 2017 година.