„Фокус на македонски филмови“ во Грузија

Филмовите „Тетовирање“на Столе Попов, „Панкот не е мртов“ на Владимир Блажевски и „Плати и жени“ на Атанас Георгиев ќе бидат прикажани во Тбилиси, Грузија во рамки на дводневниот настан „Фокус на македонски филмови“. Како дел од циклусот ќе бидат прикажани и првите снимки на Балканот направени од Браќата Манаки како избор од нивните филмови.

Проекцијата на македонски филмови ќе се одржува во период од 2 до 4 април, а е во организација на Филмскиот фонд на Македонија, Кинотека на Македонија и Грузискиот филмски центар.

Отварањето и проекциите на филмовите ќе се одржат во вечерните термини во киното „Руставели“.