Нико Розберг го оствари зацртаното, стигна до титулата првак на светот во Формула 1 откако го освои второто место на трката во Абу Даби. Во последната трка од сезоната му беше потребно едно од првите три места за да ја освои титулата, без оглед на пласманот на останатите возачи.
Луис Хамилтон му беше единствен конкурент, но тој не зависеше само од себе. Тој победи на трката, но за да беше најдобар на светот, Розберг требаше да не биде меѓу триото на подиумот.
Трката беше неизвесна до самиот крај, а Хамилтон се обиде да си создаде прилика, игнорирајќи ги инструкциите од својот тим дека треба да го подигне ритамот и да забрза, па на крај дури и го задржуваше второпласираниот Розберг со што им даваше прилика на Верстапен и Ветел да го нападнат водечкиот и во вкупниот поредок да му помогнат на Хамилтон.
Интересни беа стручните коментари, некои му замерија на Хамилтон на таквиот начин на возење додека други му даваа за право и тврдеа дека постапил коректно бидејќи единствено Розберг можел да го исфрли од патеката.
Германецот сепак ги одби нападите на оние зад себе и ја држеше втората позиција и така стигна до својата прва титула во кариерата светски првак и воедно ја продолжи доминацијата на Мерцедес.
Освен него и Хамилтон, на подиумот беше и Себастијан Ветел кој на завршницата од трката успеа да го престигне Верстапен, своевремено најбрзиот човек на стазата и може да биде задоволен со својот последен настап.
На трката во Абу Даби се збогуваа и Џенсон Батон и Фелипе Маса, на кои ова им беше последно возење во кариерата на Формула .
Резултати
1.Луиз Хамилтон (Мерцедес)
2.Нико Розберг (Мерцедес)
3.Себастијан Ветел (Ферари)
4.Макс Вестапен (Ред бул)
5.Даниел Рикарди (Ред бул)
6. Кими Раиконен (Ферари)
Конечен редослед
1.Нико Розберг 385
2.Луис Хамилтон 380
3.Даниел Рикардо 256
…