„Највозрасната“ трка во Формула 1, за ГН на Франција, се враќа во календарот на „летечкиот циркус“ во 2018 година. Ќе се вози на „Пол Рикар“ на југот на земјата, патека што последен пат беше домаќин во 1990 година. Наредните 17 победници на француското гранпри се промовираа на „Мањикур“ пред откажување на настанот во 2008 година поради финансиски проблеми.
Враќањето на ГН на Франција по пауза од десет години го потврди и Кристијан Естроси, претседател на регионот Провалс-Алпи-Азурен брег. Задоволство од објавата не криеше Роман Грожан кој на Твитер напиша „Ова е супер. Се радувам за француските фанови кои повторно ќе имаат своја трка, а ние ќе имаме кој да нè бодри“.
На „Пол Рикар“ во близина на Марсеј се одржаа 14 трки во периодот од 1971 година до 1990 година. Легендарниот домашен пилот Алан Прост на „Ферари“ е последниот што триумфираше на неа. Последен победник на ГН на Франција (2008 година) е Бразилецот Фелипе Маса пред Кими Раиконен од Финска и Италијанецот Јарно Трули. Рекордер по бројот на победи, пак, е Михаел Шумахер со осум (1994 година, 1995 година, 1997 година, 1998 година, 2001 година, 2002 година, 2004 година, 2006 година).